ສຳລັບຫົວໜ່ວຍທຸລະກິດ ແລະ ສະຖານທີ່ທ່ອງທ່ຽວ ໃນນະຄອນຫຼວງວຽງຈັນ ໄດ້ຮັບລາງວັນຄັ້ງນີ້ ປະກອບມີ ຮ້ານ Senses ສະປາ ຢູ່ໂຮງແຮມຄຣາວພລາຊາ ຮ້ານດາຫຼາສະປາ ແລະ ຮ້ານ Nice ນວດ ແລະ ສະປາ ໃນມາດຕະຖານບໍລິການອາຊຽນ ສ່ວນມາດຕະຖານຫ້ອງນໍ້າສາທາລະນະອາຊຽນ ປະກອບມີ ຫ້ອງນໍ້າສາທາລະນະ ໜອງສະພັງເລນ ຫ້ອງນໍ້າສາທາລະນະ ສະຖານທີ່ທ່ອງທ່ຽວພະທາດຫຼວງວຽງຈັນ ຫ້ອງນໍ້າສາທາລະນະວັດສີເມືອງ ແລະ ຫ້ອງນໍ້າສາທາລະນະ ພິພິທະພັນສີສະເກດ.

ພິທີມອບ-ຮັບລາງວັນມາດຕະຖານການທ່ອງທ່ຽວອາຊຽນ ຄັ້ງທີ 2 ຂຶ້ນໃນວັນທີ 5 ກຸມພາ 2025 ທີ່ຫໍວັດທະນະທໍາແຫ່ງຊາດ ໂດຍການເຂົ້າຮ່ວມ ແລະ ມອບລາງວັນຂອງ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ມີຫົວໜ້າກົມ ຮອງເຈົ້າແຂວງ ຫົວໜ້າພະແນກ ຖວທ ແຂວງ ທົ່ວປະເທດ ແລະ ຜູ້ປະກອບການທຸລະກິດ ແລະ ພາກສ່ວນກ່ຽວຂ້ອງເຂົ້າຮ່ວມ.

ສຳລັບລາງວັນແຕ່ລະມາດຕະຖານ​ຫົວ​ໜ່ວຍ​ທ​ຸ​ລະ​ກິດ ແລະ ສ​ະ​ຖານ​ທີ່​ທ່ອງ​ທ່ຽວບັນ​ດາ​ແຂວງ ປະກອບມີ: ມາດຕະຖານເຮືອນພັກປະຊາຊົນອາຊຽນ 6 ລາງວັນ ມີ ບ້ານນາດ້ວງ ເມືອງວັງວຽງ ແຂວງວຽງຈັນ ບ້ານດອນໂຄ ເມືອງຊະນະສົມບູນ ບ້ານດອນແດງ ເມືອງປະທຸມພອນ ບ້ານໜອງຫຼວງ ເມືອງປາກຊ່ອງ ບ້ານໜອງຫຼວງ ເມືອງປາກຊ່ອງ ແຂວງຈໍາປາສັກ ແລະ ບ້ານນາຍາງ ເມືອງນໍ້າບາກ ແຂວງຫຼວງພະບາງ.

ມາດຕະຖານການທ່ອງທ່ຽວແບບປະຊາຊົນມີສ່ວນຮ່ວມອາຊຽນ 6 ລາງວັນ ມີ ການລ່ອງຊົມສັດປ່າ ຢູ່ອຸທິຍານແຫ່ງຊາດນໍ້າແອດ-ພູເລີຍເມືອງຫົວເມືອງ ແຂວງຫົວພັນ ບ້ານດອນໂຄ ເມືອງຊະນະສົມບູນ ແຂວງຈໍາປາສັກ ບ້ານທ່າແປ້ນ ນະຄອນຫຼວງພະບາງ ແຂວງຫຼວງພະບາງ ບ້ານຊາງໄຫ ເມືອງປາກອູ ແຂວງຫຼວງພະບາງ ບ້ານກອງລໍ ເມືອງຄູນຄໍາ ແຂວງຄໍາມ່ວນ ບ້ານນາລັນເໜືອ ເມືອງຫຼວງນໍ້າທາ ແຂວງຫຼວງນໍ້າທາ ແລະ ບ້ານໜອງຢາເທິງ ເມືອງປາກຊ່ອງ ແຂວງຈໍາປາສັກ.

ມາດຕະຖານການບໍລິການສະປາອາຊຽນ 6 ລາງວັນ ມີ ຮ້ານບ້ານລາວສະປາ ຢູ່ໂຮງ ແຮມມາຍບ້ານລາວ ແຂວງຫຼວງພະບາງຮ້ານແມ່ຂອງສະປາ ຢູ່ໂຮງແຮມພູວ່າວ ແຂວງຫຼວງພະບາງ ຮ້ານ Frangipani ສະປາ ຢູ່ສະຫວັນຣີສອດ ແຂວງສະຫວັນນະເຂດ.

ມາດຕະຖານຫ້ອງນໍ້າສາທາລະນະອາຊຽນ 11 ລາງວັນ ມີ ຫ້ອງນໍ້າສາທາລະນະ ວັດຊຽງທອງ ແຂວງຫຼວງພະບາງ ຫ້ອງນໍ້າສາທາລະນະ ສະຖານທີ່ທ່ອງທ່ຽວຮ້ານອາຫານເມົາເທິນວິວ ແຂວງຫຼວງນໍ້າທາ ຫ້ອງນໍ້າສາທາລະນະສະຖານທີ່ທ່ອງທ່ຽວນໍ້າຕົກຕາດເຍືອງ ເມືອງປາກຊ່ອງ ແຂວງຈໍາປາສັກ ຫ້ອງນໍ້າສາທາລະນະສະຖານທີ່ທ່ອງທ່ຽວຖໍ້ານອນ-ຖໍ້ານາງຟ້າ ເມືອງວັງວຽງ ແຂວງວຽງຈັນ ຫ້ອງນໍ້າສາທາລະນະ ຫໍພິພິທະພັນແຫ່ງຊາດ ແຂວງຫຼວງພະບາງ ຫ້ອງນໍ້າສາທາລະນະ ວັດໃໝ່ ແຂວງຫຼວງພະບາງ ແລະ ຫ້ອງນໍ້າສາທາລະນະ ສະຖານທີ່ທ່ອງທ່ຽວຫໍໄຕປີດົກວັດສີມຸງຄຸນ ວັດບ້ານກາງ ແຂວງສາລະວັນ.

ທີ່ມາ: ວຽງຈັນໃໝ່