ໃນພິທີທ່ານ ເສກສັນຕິ ສຸມຸນທາ ຫົວໜ້າຫ້ອງການພະແນກ ຖວທ ນວ ໄດ້ຜ່ານຂໍ້ຕົກລົງວ່າດ້ວຍການອະນຸມັດໃຫ້ພະນັກງານ-ລັດຖະກອນເຂົ້າຮັບອູດໜູນບຳນານ ໂດຍໄດ້ອະນຸມັດໃຫ້ ທ່ານ ເພັກ ສິງໄຊ ຮັກສາການອຳນວຍການກອງວິຊາການວິທະຍຸ-ໂທລະພາບ ນວ ທ່ານ ນາງ ຄຳດີ ຮ່ວງ ທ່ານ ນາງ ຂັນທະລີ ຫຼວງລິດ ຮອງຫົວໜ້າຂະແໜງຫ້ອງການບໍລິຫານ ແລະ ທ່ານ ໜູໄລ ລັດຕະນະ ຮອງຫົວໜ້າຫ້ອງການ ຖວທ ເມືອງ ໄຊທານີ ນັບແຕ່ວັນທີ 01 ມັງກອນ ເປັນຕົ້ນໄປ.

ໂອກາດນີ້ທ່ານນາງ ວຽງພອນ ແກ້ວຄູນສີ ກໍໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງພະນັກງານບຳນານທັງ 4 ທ່ານ ທີ່ໄດ້ອຸທິດເຫື່ອແຮງ ແລະ ສະຕິປັນຍາເຂົ້າໃນວຽກງານທີ່ຕົນຮັບຜິດຊອບມີຜົນສຳເລັດຢ່າງໃຫຍ່ຫຼວງ ພ້ອມກັນນັ້ນກໍໄດ້ຮຽກຮ້ອງມາຍັງພະນັກງານບຳນານຄັ້ງນີ້ຊ່ວຍສືບຕໍ່ໃຫ້ຄຳແນະນຳ ຄຳຄິດເຫັນຕ່າງໆໃຫ້ແກ່ພະນັກງານຜູ້ສືບທອດໄດ້ຖອດຖອນບົດຮຽນ ຊ່ວຍຕຳນິກໍ່ສ້າງພະນັກງານໜຸ່ມນ້ອຍໃຫ້ມີຄວາມເຂັ້ມແຂງ ປະກອບສ່ວນຊີ້ນຳ ແລະ ເປັນເຈົ້າການຕິດຕາມປະຶກົດການຫຍໍ້ທໍ້ຕ່າງໆໃນຂະແໜງ ຖວທ ຢູ່ຂັ້ນບ້ານໃຫ້ແກ່ພະແນກຂອງພວກເຮົາ ສືບຕໍ່ຮັກສາຄົນງາມຄວາມດີ ບາດບາດ ແລະ ກຽດສັກສີໄປຄຽງຄູ່ກັບການຮັກສາສຸຂະພາບໃຫ້ແຂງແຮງຕະຫຼອດໄປ.