ໃນກອງປະຊຸມດັ່ງກ່າວ ທ່ານ ພອນຈັນ ແພງພູວັນ ຍັງໄດ້ເນັ້ນໜັກໃສ່ 3 ຄຳເຫັນສຳຄັນເພື່ອໃຫ້ຜູ້ເຂົ້າຮ່ວມກອງປະຊຸມໄດ້ລະດົມຄວາມຄິດຮ່ວມກັນຄື ໜຶ່ງ: ການຈັດວາງກິດຈະກຳໃຫ້ມີຄວາມຕໍ່ເນື່ອງ 12 ເດືອນ ໂດຍມອບໃຫ້ຄົ້ນຄວ້າສ້າງ Signature Event ເພີ່ມຕື່ມໃນຊ່ວງ Low Season (ໄລຍະຮ້ອນ ຫຼື ຝົນ) ພ້ອມທັງຍົກລະດັບງານປະເພນີ ຫຼື ກິດຈະກຳທ້ອງຖິ່ນທີ່ໂດດເດັ່ນຂອງທັງ 9 ເມືອງ ໃຫ້ເຂົ້າມາບັນຈຸໃນປະຕິທິນລະດັບນະຄອນຫຼວງ ສອງ: ການມີສ່ວນຮ່ວມຂອງພາກທຸລະກິດ ແລະ ເອກະຊົນ ເປີດກວ້າງໃຫ້ພາກທຸລະກິດ ບໍ່ວ່າຈະເປັນໂຮງແຮມ, ຮ້ານອາຫານ ແລະ ບໍລິສັດທ່ອງທ່ຽວ ໄດ້ສະແດງທັດສະນະຢ່າງກົງໄປກົງມາວ່າ ຕ້ອງການເຫັນຂໍ້ມູນໃນປະຕິທິນລ່ວງໜ້າແນວໃດ ເພື່ອໃຫ້ສາມາດຈັດ Package ການທ່ອງທ່ຽວຂາຍໄດ້ງ່າຍ ພ້ອມທັງກຽມຄວາມພ້ອມໃນການເປັນເຈົ້າພາບ ຫຼື ສະໜັບສະໜູນກິດຈະກຳຕ່າງໆ ສາມ: ການໂຄສະນາ ແລະ ສື່ສານດິຈິຕອນ.

ການກຳນົດຊ່ອງທາງ ແລະ ສື່ສັງຄົມອອນລາຍທີ່ຈະນຳໃຊ້ ເພື່ອໃຫ້ປະຕິທິນການທ່ອງທ່ຽວ ປີ 2027 ສาມາດເຂົ້າເຖິງກຸ່ມນັກທ່ອງທ່ຽວທັງພາຍໃນ ກຸ່ມອາຊຽນ ຈີນ ແລະ ສາກົນ ໄດ້ຢ່າງວ່ອງໄວ ແລະ ມີປະສິດທິຜົນສູງສຸດ.