ສຳເລັດກອງປະຊຸມໃຫຍ່ ໜ່ວຍພັກສະມາຄົມທຸລະກິດທ່ອງທ່ຽວລາວ ນະຄອນຫຼວງວຽງຈັນ
05/03/2025
ກອງປະຊຸມໃຫຍ່ໜ່ວຍພັກສະມາຄົມທຸລະກິດທ່ອງທ່ຽວລາວ ນະຄອນຫຼວງວຽງຈັນ ຄັ້ງທີ IV ຈັດຂຶ້ນວັນທີ 4 ມີນາ 2025 ທີ່ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ (ຖວທ ນວ) ເປັນປະທານຂອງ ສະຫາຍ ນາງ ມະນີຈັນ ຜັນຫວາດວົງສຸກ ເລຂາໜ່ວຍພັກ ຮອງປະທານສະມາຄົມທຸລະກິດທ່ອງທ່ຽວລາວ ແລະ ເປັນຮອງປະທານກຸ່ມທຸລະກິດທ່ອງທ່ຽວ ນະຄອນຫຼວງວຽງຈັນ ມີສະຫາຍ ຄຳຄູນ ໃບລາຕຣີ ຮອງເລຂາຄະນະພັກຮາກຖານ ຮອງຫົວໜ້າພະແນກ ຖວທ ນວ ພ້ອມດ້ວຍຄະນະພັກຮາກຖານ ສະມາຊິກພັກ ແລະ ແຂກຖືກເຊີນເຂົ້າຮ່ວມ.
ສະຫາຍ ນາງ ມະນີຈັນ ຜັນຫວາດວົງສຸກ ໄດ້ລາຍງານຜົນງານການເຄື່ອໄຫວໄລຍິ 5 ປີຜ່ານມາ ແລະ ທິດທາງແຜນການໃນຕໍ່ໜ້າ ຈາກນັ້ນສະຫາຍ ແກ້ວວິໄລສັກ ແສນສັກດາ ຄະນະພັກຮາຖານ ຮອງຫົວໜ້າພະແນກ ຖວທ ນວ ໄດ້ຜ່ານມະຕິຕົກລົງວ່າດ້ວຍການບົ່ງໂຕແຕ່ງຕັ້ງຄະນະໜ່ວຍພັກສະມາຄົມທຸລະກິດທ່ອງທ່ຽວລາວ ໂດຍໄດ້ບົ່ງໂຕແຕ່ງຕັ້ງ ສະຫາຍ ນາງ ມະນີຈັນ ຜັນວາດວົງສາ ເປັນເລຂາ ແລະ ສະຫາຍ ສະ ເຫຼີມ ຄຳແພງວົງ ເປັນຮອງເລຂາ ທັງເປັນຜູ້ກວດກາໜ່ວຍພັກ ຈາກນັ້ນກໍໄດ້ຟັງການໂອ້ລົມຂອງ ສະຫາຍ ຄຳຄູນ ໃບລາຕຣີ ອີກດ້ວຍ.
ທີ່ມາ: ວຽງຈັນໃໝ່
