ທ່ານ ວັນສີ ກົວມົວ ກ່າວໃນພິທີເປີດຊຸດເຝິກອົບຮົມພະນັກງານນຳທ່ຽວລະດັບຊາດ ຊຸດທີ 32 ໃຫ້ຮູ້ວ່າ: ການທ່ອງທ່ຽວແມ່ນອຸດສາຫະກໍາທີ່ປອດຄວັນເຊິ່ງມີການເຕີບໃຫຍ່ຂະຫຍາຍຕົວຢ່າງວ່ອງໄວ ຕໍ່ເນື່ອງ ແລະ ໄດ້ກາຍເປັນຂະແໜງການຕົ້ນຕໍທີ່ປະກອບສ່ວນສໍາຄັນເຂົ້າໃນການພັດທະນາເສດຖະກິດ-ສັງຄົມຫຼາຍໆປະເທດໃນໂລກ ລວມທັງ ສປປ ລາວ ໄດ້ຖືເອົາວຽກງານການທ່ອງທ່ຽວເປັນບູລິມະສິດໃນການພັດທະ ນາ ລັດຖະບານແຫ່ງ ສປປ ລາວ ກໍໄດ້ຖືເອົາວຽກງານທ່ອງທ່ຽວເປັນເສດຖະກິດປາຍ ແຫຼມຂະແໜງການໜຶ່ງທີ່ກະຕຸ້ນບັນດາຂະແໜງການອື່ນທີ່ເປັນຕ່ອງໂສ້ການບໍລິ ການໃຫ້ມີການພັດທະນາໄປພ້ອມໆກັນ ຂະຫຍາຍການລົງທຶນເຂົ້າໃສ່ບັນດາກິດຈະການຕ່າງໆ ຊຸດເຝິກອົບຮົມຄັ້ງນີ້ມີຜູ້ເຂົ້າຮ່ວມ 94 ທ່ານ ຍິງ 53 ທ່ານທີ່ຜ່ານການຄັດເລືອກຈາກຫົວໜ່ວຍທຸລະກິດທ່ອງທ່ຽວຕ່າງໆໃນຂອບເຂດທົ່ວປະເທດ ການເຝິກອົບຮົມຄັ້ງນີ້ຈະໃຊ້ເວລາ 55 ວັນ ປະກອບມີ 22 ວິຊາຮຽນ.